Господи Иисусе Христе, Сыне Божий, молитв ради Пречистыя Твоея Матере услыши мя, недостойную рабу Твою! Господи, в милостивой власти Твоей чадо мое, рабы Твоя (имена), помилуй и спаси их, имени Твоего ради. Господи, прости им вся согрешения вольная и невольная, совершенная ими пред Тобою. Господи, настави их на истинный путь Твоих заповедей и разум их просвети светом Твоим во спасение души и во здравие тела. Господи, благослови их службу в армии, на суше, на воздухе и в море, в пути, летании и плавании и на всяком месте владычества Твоего. Господи, сохрани их силою Честнаго и Животворящаго Креста Твоего под кровом Твоим святым от летящия пули, стрелы, меча, огня, от смертоносныя раны, воднаго потопления и напрасныя смерти. Господи, огради их от всяких видимых и невидимых врагов, от всякия беды, зол, несчастий, предательства и плена. Господи, исцели их от всякия болезни и раны, очисти их от всякия скверны и облегчи их душевная страдания. Господи, даруй им благодать Духа Твоего Святаго на многия годы жизни; здравие и целомудрие во всяком благочестии и любовь в мире и единодушии с окружающими их начальствующими, ближними и дальними людьми. Господи, умножи и укрепи их умственныя способности и телесныя силы, здравы и благополучны возврати их в родительский дом. Всеблагий Господи, даруй мне, недостойной и грешной рабе Твоей (имя), родительское благословение на чад моих (имена), в настоящее время и во всякое время утра, дня, ночи, ибо Царство Твое вечно, всесильно и всемогущественно. Аминь.