Отроку Артемию Веркольскому:

Молитва 1-я

Святый угодниче Божий, Артемие праведный, присный хранителю святыя обители, твоим именем украшенныя, и всего севернаго края Российския страны близкий защитниче! Призри милостивно на усердную молитву нас грешных, и твоим благомощным предстательтсвом испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии и непременяемоем благополучии благочестивый народ наш, да подаст державе нашей мир, тишину и нелицемерное послушание, да сподобит всех нас получити, по христианстей кончине, Небесное Царствие, идиже вси праведни, купно с тобою, присно славят Отца и Сына и Святаго Духа.