Господи Иисусе Христе, Сыне Божий, молитв ради Пречистыя

Твоея Матери и всех святых покровителей воинства Российского

услыши мя, недостойную рабу Твою (раба Твоего) (имя). Господи, в милостивой власти Твоей чадо мое (имя) есть, помилуй и спаси его

имене Твоего ради. Господи, прости ему вся согрешения вольная и

невольная, яже сотворих пред Тобою. Господи, настави его на истинный путь заповедей Твоих и просвети его разум светом Христовым во

спасение души и во исцеление тела. Господи, благослови его служение воинское на суши, на воздухе и на море, в пути и на всяком месте

владычества Твоего. Господи, сохрани его силою Честнаго и Животворящего Креста Твоего под кровом твоим святым от летящия стрелы, меча, огня, от смертоносныя раны, от потопления водного и напрасныя смерти. Господи, огради

его от всяких враг видимых и невидимых, от всякия беды, зол и напастей, предания и пленения. Господи, исцели его от всякия болезни и раны, очисти его от всякия скверны и ослаби его скорби душевныя. Господи, даруй ему благодать Духа

Твоего Святаго на многая лета, здравие и целомудрие, еже жити во

всяком благочестии и любви, в мире и единодушии с сослужащими,

начальствующими. Господи, умножи и укрепи его силы душевные и

телесныя, просвети его разум, здрава и благополучно возврати его

в дом родительский по велицей

Твоей Милости. Аминь.